Cargando...

CANGAS

CANGAS

A vila de Cangas, con fama de “pueblo encantador” como reza o seu himno, forma parte da comarca do Morrazo e se atopa situada na parte sur e máis occidental.
É unha vila de tradición mariñeira, bañada en parte pola Ría de Vigo e aberta ao Océano Atlántico nos acantilados da Costa de Soavela, unha vez sobrepasado o coñecido faro de Cabo Home e fronte a fermosa panorámica das Illas Cíes.
Ata o segundo tercio do século XX extendeuse en Cangas a transformación da pesca como principal actividade económica. Esta vila foi base da flota baleeira, sede da única factoría de despiece de cetáceos de todo o sur de Galicia. Foi ata principios dos anos 80, na factoría Massó Hermanos, sita no Salgueirón, a máis grande de Europa en transformación de peixe. Asimesmo contábase con outras empresas de salazón que funcionaron ata finais dos 60 noutros lugares do municipio como Nerga ou Pipín.
O núcleo urbano está articulado en dous Barrios: O Costal, o máis antigo, da época medieval, e O Sinal, que comeza na Rúa Real (onde se atopa a igrexa ex-colexiata de Santiago de Cangas) e que segue pola ribeira ata o Concello.
No centro reina a Praza de Abastos, un edificio conservado coa súa singular arquitectura, que recibe a locais e visitantes na súa compra diaria de peixe fresco, verduras, hortalizas, carnes...
Ao seu arredor atopamos lugares moi concurridos: a Alameda de Vincenti, o Paseo de Castelao, a Avenida Eugenio Sequeiros chea de vida coas súas terrazas, e os Xardíns do Sinal e o Paseo Marítimo onde as familias disfrutan do tempo de lecer. 
Moi preto atópase o porto de pasaxe que conecta Cangas co porto de Vigo en tan só 20 minutos e que dende moi antigo supón unha importante via comercial e de transporte de traballadores.
Cangas sempre recibiu unha gran afluencia de turistas de todas as partes de Galicia e mesmo doutros puntos de España, sobre todo pólas súas fermosas praias. As parroquias de Hío, Aldán e Darbo contan con recoñecidos areais e interesantes rutas de sendeirismo que percorren o patrimonio natural e histórico da zona e que son visitadas cada ano por milleiros de persoas.